Plantelister A: Katalog A: Plantelister B: Katalog B: Ekstratenester: Hagesaker: Fast informasjon:

Eksotiske Plantar UVANLEGE OG EKSOTISKE PLANTAR PÅ FRILAND Det er spennande å prøve ut kva som går å dyrke på friland på heilårsbasis. Nedanfor er eit lite utvalg av plantar som er dyrka her og som kansje ikkje er heilt vanlege. Høyrer gjerne frå andre med erfaring med litt uvanlege og eksotiske plantar på friland. Mvh Håkon E-post: haakon@nautesund.no Agapanthus campanulatus ssp. patens. Art frå Drankenbergsfjella i Sørafrika som er bra hardfør. Ein av mine favorittstaudar med blomstring i august - september. Cordyline australis. Heiter Dragelilje på norsk. Palmeliknande plante frå New Zealand. Min står i ein kasse under altanen med røter nedi grunnen. Har fått litt beskyttelse gjennom kalde periodar, men ingen dei to siste vintrane. Overraska med blomstring i sommar. Har også planta nokre ut i bed. Cortaderia richardii. Det er synd at eit så fint pampasgras nesten er ukjendt her til lands. Fullt hardført her og med strå på rundt 3 meter i slutten av juli. Fatsia japonica. Ein plante som dei fleste kjenner som inneplante. Har høyrt at også andre har dyrka den med hell i gode strøk. Min plante står litt beskytta under furetre. Eucalyptus. Dyrkar dei to artene frå Tasmania E. gunni og E. dalrymplerana. Eucalyptus dalrymplerana er no over 8 meter og blomstrar i august – september. Andre artar vil vert prøvd ut etter kvart. Fuchsia. Forutan Fuchsia magellanica er det også verd å prøve meir hardføre kultivarar i gode strøk. Sortane 'Mr Popple' og 'Whiteknight Pearl' ser ut til å klare seg bra utan noko form for dekking. Plantane visnar heilt ned og tek til å blomstre i slutten av juli og heldt det gåande til frost. Sorten 'Whiteknights Pearl' vaks til 150 x 150 cm i løpet av sommaren 2006. Nothofagus alpina. Snøggvekasnde art frå Chile/Argentia. Fullt hardfør her. Fin haustfarge. Pormium tenax. Vintergrøn plante frå New Zealand. Ingen vinterskade så langt. Plante her er no ca 180 cm høg. Rhododendron. Samlinga her består vel av rundt 2-300 artar og kultivarar. Foto her syner arten Rhododendron niveum og ein krysning av macabeanum og falconeri med blad som er rundt 40 cm lange. Rhododendron niveum er sådd av frø innsamla i Sikkim i India. Då den eine og einaste planten av denne arten eg har blomstra no i vår, var det første gong eg såg denne arten i blomst. Rhododendron niveum har ein spesiell lilla farge. Vitis coignetiae. Er kansje ikkje så uvanleg, men burde plantast meir der det er plass nok. Ein art som liknar og er i slekt med druer. Kraftigveksande klatreplante som er rundt 15 meter høg her. Store blad som kan verte opp mot 30 cm. Fin haustfarge. Passar godt som klatreplante i tre.